NDRRMA

समाचार

२०७८ सालको मनसुनको पूर्वतयारी, भएका क्षति, प्रतिकार्य र यसका सन्दर्भमा प्राप्त सिकाईहरुबारे आज सम्बन्धित मन्त्रालय र विषयगत क्षेत्रका प्रतिनिधिहरुसँग छलफल बैठक सम्पन्न

Jan 4, 2022

२०७८ सालको मनसुनको सिकाई र भोगाई सम्बन्धि समिक्षात्मक बैठक सम्पन्न

राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख श्री अनिल पोखरेलको अध्यक्षतामा प्राधिकरणको सभाहलमा २०७८ सालको मनसुनको पूर्वतयारी, भएका क्षति, प्रतिकार्य र यसका सन्दर्भमा प्राप्त सिकाईहरुबारे आज सम्बन्धित मन्त्रालय र विषयगत क्षेत्रका प्रतिनिधिहरुसँग छलफल बैठक सम्पन्न भएको छ । उक्त बैठकले आगामी वर्षको मनसुनको योजना बनाउने काममा मद्दत पुग्ने गरी प्राप्त सिकाईलाई संलेषण गरी प्रतिवेदन तयार गरिने र २०७८ सालको मनसुनको सिकाईले आगामी दिनको योजना बनाउन समेत निश्चय पनि मद्दत पुग्ने निस्कर्ष निकालिएको थियो । बैठकमा विषयगत क्षेत्रका LEAD र CO-LEAD सरकारी तथा गैरसरकारी संघसंस्थाहरुको सहभागिता रहेको थियो । बैठकलाई भर्चुअल माध्यमबाट समेत व्यवस्थापन गरिएको थियो ।

२०७८।०९।२०