समाचार
'विपद जोखिम न्यूनीकरणका लागि सचेत प्रयत्न आवश्यक'
Feb 9, 2024
माघ २५, काठमाडौं
उपप्रधानमन्त्री एवं गृहमन्त्री नारायणकाजी श्रेष्ठले विपद जोखिम न्यूनीकरणका लागि सचेत प्रयत्न गर्न आवश्यक रहेको बताउनु भएको छ ।
बर्दिबास नगरपालिकालाई खोज तथा उद्धार उपकरण तथा सामग्री हस्तान्तरण गरेपछि संक्षिप्त मन्तव्य राख्नु हुँदै मन्त्री श्रेष्ठले विपद् जोखिमका घटना भइसकेपछि व्यवस्थापनमा मात्र ध्यान दिने प्रवृत्तले आजको आवश्कयतासँग मेल नखाने बताउनुभयो ।
मन्त्री श्रेष्ठले भन्नुभयो, 'स्थानीय तहलगायत सबै तहका सरकारहरुले विपद् जोखिम न्यूनीकरणलाई प्राथमिक एजेण्डा बनाउँदै सोहीअनुसार गम्भीरतापूर्वक पूर्वतयारीको योजना बनाउन आवश्यक छ ।'
मन्त्री श्रेष्ठले विपद्का घटना भइहाले कसरी व्यवस्थापन गर्ने भनेर पनि स्थानीय तहले पहिल्यै योजना बनाउन सुझाव दिनुभयो ।
मन्त्री श्रेष्ठले राष्ट्रिय विपद् जोखिम न्यूनीकरण तथा व्यवस्थापन प्राधिकरणद्वारा उपलब्ध गराइएको विपद् व्यवस्थापन सम्बन्धी सामग्री बर्दिवास नगरपालिकाका प्रमुख प्रहलाद कुमार क्षेत्रीलाई हस्तान्तरण गर्नुभएको हो ।
सो अवसरमा उपस्थित प्राधिकरणका कार्यकारी प्रमुख अनिल पोखरेलले प्राधिकरणले स्थानीय तहलाई सबल बनाउन सहयोग गर्ने नीतिअनुसार खोज तथा उद्धारका सामग्री उपलबध गराइएको उल्लेख गर्नुभयो ।
कार्यकारी प्रमुख पोखरेलले बर्दिबासमा विसं १९९० को भूकम्पबाट दरार उत्पन्न भएको क्षेत्र रहेको जानकारी दिंदै त्यसलाई भूकम्पीय जोखिम सम्बन्धी अध्ययनको क्षेत्रका रुपमा स्थापित गर्न सकिने पनि बताउनुभयो ।
बर्दिवास नगरपालिकाका प्रमुख प्रहलाद कुमार क्षेत्रीले बर्दिबास नगरपालिकामा उत्पन्न हुनसङ्कने विपद्का घटनाबाट हुनेसक्ने क्षति कम गर्न प्राधिकरणबाट प्राप्त उपकरण तथा सामग्रीहरु सहयोगी हुने धारणा बताउनुभयो ।
Pushpa Kamal Dahal "Prachanda"
Rt. Hon. Prime Minister & Chairperson of National Council
Rabi Lamichhane
Hon. Deputy Prime Minister/Home Minister & Chairperson of Executive Committee
पदाधिकारी
Anil Pokhrel
Chief Executive
Bharat Mani Pandey
Joint Secretary
Rameshowr Marhatta
Joint Secretary
Dijan Bhattarai
Under Secretary/Spokesperson and Information Officer
Contact : 9851320269
: dijansmita@gmail.com