समाचार
डोटी भूकम्पमा ६ जनाको मृत्यु, ८ घाइतेको उपचार हुँदै
Nov 9, 2022
काठमाडौं/ आज बिहान २:१२ बजे सुदूर पश्चिम प्रदेशको खप्तड क्षेत्र केन्द्रविन्दु बनाई गएको ६.६ म्याग्निच्युडको भूकम्पमा परी ६ जनाको मृत्यु भएको छ भने ८ जना घाइते हुनुभएको छ ।
मृत्यु हुनेमा डोटी जिल्ला पूर्वीचोकी गाउँपालिका वडा नं. ३ का भगवती देवी बोहरा (वर्ष ३५), प्रेम बोहरा (बर्ष ५०), सीता बोहरा (बर्ष १३), धनसरी बोहरा (बर्ष १४), हर्क बोहरा (बर्ष ८) र तुलसी बोहरा (बर्ष १४) हुनुहुन्छ ।
गृह मन्त्रालयका प्रवक्ता फणिन्द्रमणि पोखरेलले जारी गर्नुभएको विज्ञप्तिअनुसार डोटीका अतिरिक्त अछाम, बाजुरा, कैलाली जिल्लामा समेत केही घरमा क्षति पुगेको छ ।
भूकम्प गएलगत्तै स्थानीय तहको समन्वयमा नेपाली सेना, नेपाल प्रहरी, सशस्त्र प्रहरी बल र स्थानीय बासिन्दा समेत परिचालन भई उद्दार कार्य गरिएको थियो ।
घाइतेहरुमध्ये ६ जनाको स्थानीय अस्पतालमा उपचार भइरहेको छ भने २ जनालाई नेपाली सेनाको हेलिकप्टरमार्फत् सेती प्रादेशिक अस्पताल, धनगढीमा पठाइएको छ ।
यसअघि गए राति ९ बजेर ७ मिनेटमा ५.७ म्याग्निच्युड, राति ९ बजेर ५६ मिनेटमा ४.१ म्याग्निच्युडको भूकम्प गएको थियो ।
प्रधानमन्त्री शेरबहादुर देउवा र गृहमन्त्री बालकृष्ण खाणले भूकम्प प्रभावितको उद्धार तथा घाइतेको उपचार एवं उचित राहतको प्रबन्ध गर्न सम्बन्धित निकायहरुलाई निर्देशन दिनुभएको छ ।
Pushpa Kamal Dahal "Prachanda"
Rt. Hon. Prime Minister & Chairperson of National Council
Rabi Lamichhane
Hon. Deputy Prime Minister/Home Minister & Chairperson of Executive Committee
पदाधिकारी
Anil Pokhrel
Chief Executive
Bharat Mani Pandey
Joint Secretary
Rameshowr Marhatta
Joint Secretary
Dijan Bhattarai
Under Secretary/Spokesperson and Information Officer
Contact : 9851320269
: dijansmita@gmail.com